Denis Kožljan: Finjene

finile su fešte
ud jaji, pince,
ića i pića,
avrija je zateplija,
ma steši oblačina
ne da mira, hip teplo,
hip zdrhi bodu priko
tila,
kako se tornati,
tamo na staro,
na delo prez dela,
krstijan se križa,
forši če pomoči,
previše vred teče
vrime, zgubljeno
u njemu sime,
zdih u prsi, španjulet
se gasi,
zemlja išče milost,
kako kunpanjati dane
u lokvi svega i svačesa,
Vazan zove svitlo u škurini…
……………………………………..
finjene-završene
fešte-praznici
pince-uskršnji kolač, kruh
avrija-travanjhip-časak
zdrhi-jeza
delo-posao
prez-bez
krstijan-čovjek
forši-možda
vred-brzo
sime-sjeme
zdih-dah
španjulet-cigara
išče-traži
kunpanjati-pratiti
Vazan-Uskrs
škurini-tami

Foto: preuzeto s Facebook profila Denis Kožljan

Jedna misao o “Denis Kožljan: Finjene”

Odgovori